Dr. Althea Purifying Green Tea Sunscreen 50ml

Проблемалы теріге арналған күннен қорғайтын крем Dr. Althea Purifying Green Tea Sunscreen SPF 50+ PA++++ күн сәулесінен сенімді қорғайды, сондай-ақ қабынуға қарсы және тыныштандыратын компоненттердің арқасында безеудің алдын алуға және оның белгілерін жеңілдетуге көмектеседі. Өнім купероз және розацеа белгілері бар проблемалы әрі сезімтал теріге жарайды. Май бездерінің белсенділігін реттеп, себум бөлінуін азайтады және қабыну ошақтарын басады.

Санскриннің кремді текстурасы теріге оңай таралады, тез сіңеді және ақ іздер мен жабысқақтық қалдырмай, барқытты финиш береді.

Өнім формуласының құрамында күн сәулесінен қорғайтын және күнге күйіп қалу мен күн эритемасының пайда болуына жол бермейтін жаңа буынның фототұрақты химиялық УФ-сүзгілері бар:

• Tinosorb M (Methylene Bis-Benzotriazolyl Tetramethylbutylphenol) — UVA және UVB сәулелерінен қорғайды. Ультракүлгін сәулелерді сіңіріп әрі шағылыстырып, аралас әсер етеді.
• Uvinul T 150 (Ethylhexyl Triazone) — UVB сәулелерінен қорғайды.
• Iscotrizinol/Uvasorb HEB (Diethylhexyl Butamido Triazone) — кең спектрлі, аса фототұрақты сүзгі. UVA және UVB сәулелерінен қорғайды.

Негізгі белсенді компоненттер:

• Ниацинамид (В3 дәрумені, 2%) меланиннің эпидермиске тасымалдануын баяулатады, пигментті дақтардың пайда болуына жол бермейді, сыртқы тітіркендіргіштерге сезімталдықты төмендетеді, тері реңін тегістейді, коллаген өндірілуіне және тургордың жоғарылауына ықпал етеді.
• Пантенол (В5 дәрумені) мүйізденген қабаттың тұтастығын қалпына келтіреді, қорғаныш барьерінің қызметін оңтайландырады, микрозақымдардың жазылуын жылдамдатады, қызару мен тітіркенуді басады және жараның жазылуына ықпал етеді.
• Азиялық центелла сығындысы терінің қорғаныш қасиеттерін қалпына келтіруге және ылғалды ұстап тұруға ықпал етеді, сезімталдықты төмендетеді, ісінуді азайтады, қан тамырларын нығайтады және купероздың дамуына жол бермейді.
• Жасыл шай жапырақтарының сығындысы (2%) — табиғи антиоксидант. Теріні сергітіп, терең ылғалдандырады, безеудің пайда болуының алдын алады, қышу мен тітіркенуді басады.

Қалыпты, майлы, аралас, проблемалы және сезімтал теріге жарайды.

Қолдану тәсілі: күнделікті күтімнің барлық кезеңдерінен кейін далаға шығардан 15–20 минут бұрын бет пен мойынға шамамен 1,2 мл өнім жағыңыз. Тікелей күн сәулесінің астында болған кезде (мысалы, жағажайда) қорғаныш қабатын әр 2 сағат сайын жаңартып отырыңыз.